咖啡豆冷知識 | 鍾情於飲咖啡既你,又知唔知道咖啡豆有幾多種呢?其實現時全世界總共有超過100種咖啡豆,而當中阿拉比卡(Arabica)同羅布斯培(Robusta)就最為人熟悉。

手沖咖啡既首要步驟就係揀岩你口味既咖啡豆。而產地既氣候、土壤同海拔都影響住每種咖啡豆既味道。了解到唔同產地既咖啡豆特色,你就能夠輕易挑選到心宜既咖啡豆喇!

揀完岩心水既咖啡豆,下一步就係親自打磨咖啡豆喇!宜加市面上好多唔同既手沖咖啡課程,到底邊一個課程先適合初學者呢?等小編嚴選3間手沖咖啡課程,俾你同你既文青朋友飲住手沖咖啡打卡喇!

1. 緣月咖啡︱精品手沖咖啡課程

位於屯門杯渡99 Commons 既緣月咖啡提倡「自己咖啡自己煮 (Brew coffee ourselves)」價值。除左提供多款手沖咖啡課程外,緣月咖啡更有銷售各款精品咖啡豆同工具,實行俾客人學到手沖咖啡技巧之餘,又可以買到心宜既咖啡沖調用品番屋企!

緣月咖啡提供既精品手沖咖啡課程係香港少有既 coffee brewing jam 課程,可以邊學邊玩。導師亦會從旁細心指導,沖調過程簡單易上手,非常適合對手沖咖啡有興趣既初學者!完成課程後,客人不但增進對咖啡既知識,仲有得即時品嚐自己既手藝添!

課程時長為40分鐘,所有手沖咖啡用具均由緣月咖啡提供,客人毋須自備。客人可自由揀選咖啡口味,導師會逐步逐步,由研磨咖啡豆到烹煮過程,悉心教導。

 

 

2. Coffee Studio︱手沖咖啡課程

坐落於觀塘既 Coffee Studio 工作坊離地鐵站只有五分鐘距離,位置十分方便,客人可乘搭地鐵或巴士直達。Coffee Studio係香港其中一間最出名嘅咖啡工作坊,喺Facebook超過70個評價上更加係獲得5/5分嘅滿分好評,可見極受學生歡迎。Coffee Studio有開辦唔同嘅咖啡課程例如係拉花班咖啡豆品嘗班,而當然就有最受歡迎嘅手沖咖啡班。

手沖精品咖啡課程會帶你深入認識各種咖啡沖煮技巧,由挑選器材、咖啡豆、水、沖煮時間、觀察都會全面教授。教室嚴選多款來自世界各地嘅精品咖啡豆,比你係課種中品嘗唔同咖啡豆嘅味道。

除左可以學到手沖滴濾式咖啡沖調技巧,導師亦會即場示範沖煮技巧及心得,讓客人能夠煮出滿意之作。Coffee Studio 提供小班教學,少至一人都可開班!

完成後你就可以獨立沖煮手沖咖啡,沖出自己喜愛的味道!課程內容輕鬆簡單,適合所有對沖煮咖啡有興趣人士。

 

 

3. 樂。心啡︱手沖咖啡入門課程

位於銅鑼灣開平道既樂。心啡交通非常方便,只需於銅鑼灣地鐵站A出口,步行5分鐘便到達。

樂。心啡提供既手沖咖啡入門班,主要針對想了解手沖咖啡基礎技巧既初學者。課程內容包括手沖基礎理論、認識唔同產地既咖啡豆、及手沖咖啡技巧示範。客人能夠多方面了解到咖啡知識。