紮染顏料邊度可以買?你仲上網睇緊紮染教學?不如親自參加同朋友紮染工作坊,創造屬於你既作品!...小編為大家細選全港3間最正既紮染工作坊,陪大家玩轉色彩!

成日聽人講紮染,你又知唔知原來東晉時期已經出現?紮染好似藝術家先玩得?其實只要係對紮染有興趣既人都可以玩架,紮染非常隨心,輕輕鬆鬆就可以創造出意想不到既圖案。使用唔同既紮法、染料同布料,就會有千變萬化既效果!小編為大家細選全港3間最正既紮染工作坊,包你玩盡色彩既樂趣!

 

1. Amaze Art Studio

小編要為大家介紹既第一間紮染工作坊就係Amaze Art Studio。工作室位於元朗,距離輕鐵站只需要1分鐘步行距離,超級方便!工作室環境非常舒適,提供最好既環境比學員靜心創作!

紮染圖案一般都有所規律,同時又唔會又既定既做法,全憑學員自己既想像力同創作力!無論點學員想整都可以隨意發揮自己既小宇宙架!

紮染圖案究竟係點整出黎架呢?只需要導師幫助下,使用你鍾意既配色、染布,配合各種小工具,就可以整到唔同既團案架啦!只要用橡筋、繩、夾、木條等小工具輔助,就可以紮染出千變萬化的圖案。甚至可以創作出你想像唔到既樣添!紮染就係咁有魅力,需要整好製成品之後,先知道唔同顏色同規律既配搭下有咩圖案,保證每個人整出黎既效果都唔一樣,令人超級期待!

導師非常有耐心,每一個步驟都會仔細解釋比學員聽,仲好鼓勵學員大膽發揮創意,作出嘗試!導師都會簡介下紮染既背景、文化知識,令學員全方面體驗傳統染布技藝既獨特魅力。紮染工作坊好評不斷,好多學員都表示玩得盡興同開心架!

工作室提供幾種唔同既紮染工作坊,例如:親子班。紮染唔需要特別難既技巧,5歲以上就可以黎玩架啦!小編最強推就係超正既紮染班,2個人就成班,唔洗擔心預約好又取消啦!

Amaze Art Studio有多達15色比學員自由配色,可想而知有幾多可能性!費用為$350位,費用包括:導師費、一件Tee shirt、一塊50x50cm棉布。學員仲可以加錢升級其他布料!非常適合親子、朋友一齊參加!即刻去圖睇下學員作品啦!

自己染既Tee shirt吸睛率超高,著出街實好吸引人注意!鍾意低調又得,浮誇又得,都可以同導師講,製造屬於你最獨一無二既Tee!

連襪仔都可以做紮染,真係低調得黎又帶點浮誇!一除鞋肯定引起朋友目光,小編比100分!

 

2. Twilight Art Studio

第二間係位於荔枝角既Twilight Art Studio,相信有留意OhMyCourse 或者鍾意藝術既你,一定會知道Twilight Art Studio!工作室教授各式各樣既藝術課程,小編之前就介紹過佢哋超高質素既素描班,今次介紹既係同樣人氣高企既藍靛染 · 傳統植物印染工作坊!

Studio同地鐵站只有大約3分鐘步行距離,超級方便。工作室係7月既時候全新裝修,環境充滿藝術氣氛,令大家擁有一個遠離煩囂既創造空間!大家睇下下圖就感受工作室有幾細心,務求帶比大家最舒服既環境!係疫情期間相信大家都最擔心安全問題,係Twilight Art Studio上堂就冇有怕,Studio唔單止提供足夠既空間,仲有酒精搓手液、消毒地毯同鞋架,令學生玩得開心又放心!

藍靛染 · 傳統植物印染工作坊約2小時,每個學員都有一件 T-shirt同一個自選物品,可以自由選擇手提袋或者枕頭套,每人共兩件。學員玩完之後仲可以拎自己既製成品返屋企架!

工作室以藍靛染為主要色調,雖然學員無法選擇其他色系既染料,但係工作室選擇藍靛染大有原因!因為工作室唔係以一般染料進行紮染,而係使用植物染。植物染係一直古老既染色技法。藍染更係近乎純天然染色法,所用既色調都唔係添加大量人工成分。材料成分安全,所以連枕頭套都適用!

工作室利用天然既方式將平凡的布料,加上藍調,打造成專崇又獨一無二既作品。

邊個話小朋友唔玩得?Studio歡迎任何年紀、任何程度人士黎玩架!歡迎帶埋小朋友黎享受親子樂趣,一齊創造無限既可能性!

 

3. 染樂工房

位於中環既染樂工房都係超人氣之選,經常獲各大傳媒採訪,係信心既保證!同時染樂工房更係香港首間以天然剩菜作為染色原料既工作室,注重環保人士既好選擇!

藍染植物染工作坊都頗為吸引,除左藍色之外,仲有2-3個顏色選擇。費用為$340/位,3歲以上就可以參加,同第一間既Amaze Art Studio一樣都係2人成班。費用包括:導師費、一塊染布、自選項目二選一(漁夫帽或者襪子)同一個環保袋,加50元仲可以加配意見T-shirt!

 


你可能會有興趣...