近年H&M,Uniqlo呢啲大型品牌冒起,相信大家都有試過撞衫嘅情況出現。鍾意個性化嘅你有冇諗過可以製作出自己獨一無二嘅衣物?喺藍染工作坊就可以做得到!透過唔同嘅設計同染料,製作出代表自己風格嘅作品,好玩嘅同時,仲可以做出世上獨一無二專屬於你嘅衣物!小編今次就為大家介紹三間喺香港好受歡迎嘅藍染工作坊。

 

1. Twilight Art Studio

首先為大家介紹嘅就係位於長沙灣嘅Twlight Art Studio。 係佢地嘅「藍靛染 · 傳統植物印染工作坊」,你會係兩小時嘅時間體驗到傳統藍染手工藝,利用天然嘅植物印染製作出你嘅藍染作品。工作坊仲會講解唔同關於藍染嘅知識,好玩之餘,仲可以了解到藍染文化同染布技藝嘅奧秘。

係工作坊你可以發揮創意,運用唔同嘅圖紋同設計,染製出代表自己風格嘅作品!如果你係第一次接觸藍染,亦唔需要擔心。因為專業嘅導師會全程喺你身邊指導,一步步教你點樣先可以整到靚靚嘅作品! 工作坊輕鬆好玩,等你可以喺兩小時嘅時間體驗藍染製作嘅樂趣,度過一個放鬆、慢活嘅時光!

課程完成之後你仲可以帶走親手製作嘅作品包括一件Tee同埋一個自選項目(手提袋或枕套)

 

2. Rapture Handmade

之後為大家介紹嘅就係 Rapture Handmade,佢哋係一間專門舉辦藍染、編織同埋紮染嘅工作室,亦曾經同好多本地大型機構合作,例如係長者中心、學校等等。Rapture Handmade嘅藍染工作坊簡單好玩,無需任何經驗都可以參加,可以做出多種唔同嘅產品例如係頭巾、毛巾等等,十分實用!

除左一般嘅實體課堂,佢哋仲推出咗網上課程,如果疫情嚴重怕出街嘅朋友,都可以考慮一下遙距放心地上堂!

佢哋嘅藍染工作坊二人就可以成團,快啲約埋朋友仔一齊去啦!

 

 

3. 染樂工房

係石硤尾同中環都有分店嘅染樂工房,佢哋嘅理念係希望以多元形式推廣天然染色課,希望用更加平易近人嘅方法,將藍染帶入大家嘅生活入面。

喺佢哋60分鐘嘅藍染工作坊,參加者可以感受染布的樂趣,同埋了解到藍染文化的珍貴同獨特性。課程完成咗之後,仲可以帶走一個親手製作嘅作品(漁夫帽 / 大索袋 / 小斜袋)!

每班名額只有12人,有興趣嘅朋友就記得快啲預約啦!