每逢節日，蛋糕一定係必備既食物，去增添節日氣氛！雖然市面上既蛋糕種類繁多，但係要揀選最合心意既都唔係咁容易架！如果可以親手整比心愛既人，就更加誠意滿滿啦，仲可以加上對方鍾意既元素，好食又可以打卡，簡直一舉兩得！小編為大家嚴選全港整得最好既3間蛋糕班，大家都可以親手整蛋糕，將暖意送比身邊既人啦！
香港有好多蛋糕課程，從鏡面蛋糕班到卡通蛋糕班都可以搵到！今次小編為大家嚴選3間全港最受歡迎嘅蛋糕班。無論你係製作蛋糕新手定係高手都適合架！
1. Dessert Party Baking Studio
第一間要介紹既係位於葵芳既Dessert party baking studio，距離地鐵站只需5分鐘步行距離。佢地整既蛋糕真係靚到小編完全唔捨得食，即刻要用手機幫蛋糕影超級多幅相，簡直係視覺既盛宴！Dessert party baking studio提供蛋糕班同埋自訂蛋糕售賣，適合唔同需要既人士。同時，仲提供好多類型既蛋糕比我地選擇！例如：星球造型蛋糕、自訂散水餅、拉錢蛋糕。不過小編最推薦既當然係造型百變既棉花糖造型蛋糕，只要你講得出，店主都可能幫到你製造出黎架！
有別於一般以一個大卡通為主既卡通蛋糕，Dessert party baking studio會用超多個卡通人物堆滿蛋糕表面，簡直可愛到爆！保證收到既人一定會超級超級開心！基本上你講得出既卡通，導師都做得出架。即刻去圖！
賣相就100分啦，唔知味道又如何呢？依款棉花糖蛋糕非常適合小朋友食，導師嚴格挑選安全食材。唔需要食糖皮咁甜、咁漏既蛋糕，都可以享受得意造型！Dessert party baking studio使用日本麵粉、法國Valrhona 朱古力、小山圓抹茶粉，而所有水果都係最新鮮採購，保證由內到外都係超高質素！
Dessert party baking studio 既棉花糖蛋糕班一直人氣高企，好評不斷，深受學員喜愛！唔少學員整完又返黎整，可見製造蛋糕既體驗有幾開心！
等小編講講製造蛋糕既流程，短短幾小時，大家就可以帶製成品回家啦！首先，導師會教大家從海綿蛋糕開始焗起，係等既過程中就會製造棉花糖卡通造型。導師會從蛋白、糖水、魚膠粉等原料從零開始，教大家點樣整棉花糖卡通。包括卡通唔同既表情、立體造型都會一步步指導。絕對唔會為左節省成本同時間，拎坊間製造好既棉花糖溶解！
Dessert party baking studio 其實非常自由，無論係蛋糕既造型定係時間都好彈性！導師明白大家時間好繁忙，時間上都會盡量遷就大家。無論你有咩天馬行空既想法，都可以放心同導師講。只要可行，導師都會陪你製作，務求做出最符合你心水之選！
海綿蛋糕仲有味道可以揀選，包括：雲呢拿、朱古力、綠茶。想要更多味道？歡迎同導師溝通，只要可行都會為你提供架！ 餡料都有海量選擇，例如：鮮什果、鮮芒果、鮮士多啤梨等等！
位於長沙灣嘅 Les Petits Four 位置非常方便，而且環境十分舒適乾淨！佢地嘅特濃67%法國朱古力鏡面蛋糕班係由國際朱古力大獎(International Chocolate Award 2020)金獎得主Whitney親自教授，保證你可以整一個好好食嘅朱古力蛋糕！
教室對食材用料十分講究，今次選用咗 67% 法國朱古力，蛋糕可可味香濃，香氣十足，甜而不膩，入口散發濃郁嘅朱古力味！ 導師仲會教你點樣做出靚靚朱古力鏡面嘅秘訣！好食得黎仲可以打卡添！
今次課程嘅性價比亦十分高，$660兩小時嘅課程比有啲嘅自助烘焙店仲平，十分抵玩！
位於石門嘅Panda Zoe係香港著名嘅烘焙教室，導師Zoe已有多年烘焙經驗，佢地嘅Instagram follower更超過四千個。Panda Zoe以追求美味、天然、新鮮、健康、創新為理念，希望帶到更多各式各樣嘅甜品及蛋糕比顧客。教室距離地鐵站只有約三分鐘路程，亦有多條巴士線可到達，位置非常方便！
店內兩款人氣蛋糕課程就係千層蛋糕課程同埋卷蛋蛋糕課程。有超過十種口味嘅千層蛋糕香氣馥郁而且甜而不膩，仲有超過十款口味可以自由挑選，除左熱門嘅朱古力、香芋、抹茶，仲有少見嘅黑芝麻、伯爵茶、玫瑰等！而卷蛋蛋糕口感綿軟，令幸福感直線上升！
除咗有舒適放鬆嘅學習環境，導師亦堅持小班制教學（最多4人）希望可以令每一位同學都可得到更好照顧，更輕鬆容易地上手，並從此以後愛上烘焙！
你可能會有興趣...
