香薰蠟燭燃燒時散發陣陣幽香,令人心曠神怡!你知唔知原來香薰蠟燭都可以自已上堂!製作小編為大家嚴選全港3間最受歡迎既香薰蠟燭課程,除左可以製作香薰蠟燭,仲可以學到香薰蠟燭用法同香薰蠟燭功效

近年,香薰蠟燭成為人氣大熱產品,好多年輕人都將必買物品。小編身邊既朋友幾乎都會買特別氣味既香薰蠟燭,係溫書、休息既時候點燃,真係別有一番風味架!不過與其去探索唔同既氣味,不過製作一款真真正正屬於你既香味啦!

 

1. Aestetician Candle Studio

首先為大家介紹既係位於觀塘既 Aestetician Candle Studio。工作室距離地鐵站只有5分鐘步行距離,十分方便。工作室環境仲好舒適,有足夠嘅空間比同學發揮自己嘅創意。工作室提供既課程讓學員可以參與每一個步驟,學員除左可以帶超逼真既迷你「富士山」反屋企,仲可以享受超放鬆減壓既3小時手作體驗!

工作室設備非常齊全,導師已經準備好所有儀器,學員只需出席工作坊就可以帶自己親手製作既製成品返屋企,超級方便!

Aestetician Candle Studio既質感富士山蠟燭工作坊非常高質素,人氣一直都好火熱!導師表示唔少情侶、朋友、親子都會黎學整。而唔少學員自己黎默默整禮物比朋友,所以一個人黎都唔洗擔心,導師無任歡迎!

導師本身對香薰蠟燭好有興趣,奈何市面上既香薰蠟燭都比較普通。導師為左深造自己對香薰蠟燭既造詣,特意去左台灣既KCCA 蠟燭工藝協會課程學習,希望可以通過創造特別造型,為香薰蠟燭帶黎特別既新意!

課程自主度超高,導師希望學員可以製作最符合自己心水既蠟燭。學員可以調好鍾意既顏色同香味先繼續,無論香味同顏色都可以比學員自由選擇,唔會規定好組合,務求每個人製作既都係屬於自己既「富士山」!

導師除左希望學員製造到超級吸睛既富士山蠟燭之外,都非常注重香薰蠟燭既成分是否安全,學員就可以放心曬!導師嚴選安全既蠟燭成分,主要使用天然蠟材,例如:大豆蠟、蜜蠟、棕櫚蠟。小編補充翻Aestetician Candle Studio使用香薰蠟燭成分既來源地,導師一般使用美國、韓國、馬來西亞既蠟材,香薰同顏料都係韓國入口。香薰全部獲得 IFRA ( 國際日用香料香精協會)既認證,安全無害。

不過因為今次挑戰既質感富士山蠟燭都非常特別,所以課程會用少量人造蠟,例如:石頭蠟、果凍蠟。導師非常有原則,確保全部都對人體完全無害,無論係製作過程定係燃點過程中都安全可用!

好多學員都係想整黎送比人,小編發現導師超級貼心,親自揀選一啲精密既包裝。咁學員就可以直接送比朋友,仲唔需要額外收費!課程費用為$580/位,費用包括:導師費、 富士山容器蠟燭1個、 冰山蠟燭1個、擴香石底座1個、富士山蠟燭1個、專用擴香石底座1個同精美包裝!

香薰蠟燭靜放時除左外觀超級吸引外,都會散發陣陣香氣,燃燒時候香薰味道更加濃厚,為增添放鬆既氛圍!

即使課後有任何關於蠟燭既問題都可以問導師,導師非常願意分享自己既經驗比學員架!

 

2. Dotted Collective

第二間要介紹既係位於銅鑼灣既Dotted Collective,工作室雖然面積唔係好大,不過勝在設計齊全,仲超級溫馨。導師非常熱誠,只要學員一進入工作室就會比濃濃既香薰味道包圍!導師都非常細心,務求令學員可以輕輕鬆鬆體味到有關香薰蠟燭既魅力!

工作室既香薰晴空蠟燭班非常既吸引,外觀都非常特別,用黎送禮一流。課程費用為$360/位,時間約2小時。費用包括:圓柱體香薰晴天蠟燭3個及水泥底座1個或球體香薰晴天蠟燭1個及水泥底座1個。

 

3. A Witch Handmade

最後要介紹既係既係A Witch Handmade甜睡香薰蠟燭班,相信唔少都市人都會有睡眠既問題,而依款蠟燭就有可能舒緩到你既問題啦!課程將由曾經出書教授蠟燭製法既導師教導,係實力既保證。課程將會解釋蠟燭選材知識、製作甜睡香薰蠟燭,而學員可以自由從7款香精入面選擇香味。課程完結後,學員可以帶約150g既香薰蠟燭返屋企。小編提提大家,需要自備袋子將蠟燭帶走。

 


你可能會有興趣...