攀石一向都算係較為冷門嘅運動，但其實香港都有唔小室內攀石場同攀石課程，只計康文處都已經有4個室內攀登設施及10個戶外攀登設施，同埋唔同嘅康文署攀石課程。
團體租用如有成員未持有體育總會簽發嘅認可及有效嘅二級或以上運動攀登訓練證書，則最少須有兩名人士陪同，其中一人必須持有認可及有效嘅二級運動攀登訓練證書，另一人則必須持有有效教練證。雖然使用條件比較多，但仍可以係公營攀登設施開班授課。
除此之外，仲有唔少提供攀石課程嘅團體會擁有自己嘅攀石場舉辦課程！
1. GoNature
位於觀塘永興工業大廈嘅GoNature擁有6,500平方尺場地，超過100條攀石路線，及不同攀石場設計適合唔同程度攀爬者。除左提供場地，GoNature亦有提供唔同新手課程及至資深攀爬者嘅技術改良課程，兒童至成人都可以報名參與。除左攀石以外，GoNature都提供咗攀岩、游繩下降、山藝等嘅活動比大家玩，種類十分多元化！
網址：https://www.gonaturehk.com/zh/
2. Hong Kong Climbing Park
位於沙田嘅 Hong Kong Climbing Park 設有多個園區，如高場區、抱石園區、極限忍者園區、訓練園區等，適合想嘗試唔同玩法嘅人。除咗一般嘅課程外，仲有第一、二、三級運動攀登證書課程，同第一級攀岩證書課程，非常適合想考證書之後可以自由玩攀石嘅人。
網址：https://www.hkclimbingpark.com/zh/
3. Just Climb
Just Climb係港島同九龍都有分店，分別位於新蒲崗同杏花村。新蒲崗總店佔地5,000尺，包括6面攀石牆、及超過100條 V0 - V10路線，而且有各款訓練器材比攀石者可以訓練應用到嘅肌肉。新蒲崗更有提供淋浴設施，出完一身汗都可以即刻沖返個涼。而兩個場地都分別提供Wi-Fi同免費電話充電，十分體貼！
至於杏花村分店，佔地7,000尺，有3個攀爬區及提供超過100條由日本國際級定線員設定攀爬路線，更有獨家AR攀石遊戲。定位為攀石學校嘅杏花村分店銳意發展兒童及青少年對攀石嘅興趣並提供適合嘅課程。兩店皆有提供新手抱石課程、更有一級抱石課程及私人攀石科程，比想試唔同路線嘅人士參加。
