所有文章

疫情期間大家都冇得出街，好多慶祝活動都留咗係屋企進行，呢個時候冇個靚蛋糕撐場點得呀？想搵個有特色又靚既蛋糕，但又唔知可以係邊度搵？唔緊要，搵唔到咪親手做囉！今日小編就推介大家去整今年既大熱 - 星球蛋糕，除咗賣相吸引，食之前仲可以用小木鎚扑爆，玩味十足，非常適合大時大節用嚟打卡影相，親手做仲多咗一份心思係裏面添。

1. 人氣星球蛋糕班 | 夢幻星球扑扑蛋糕班

係星球蛋糕體驗課程，你可以選擇自己既喜好選擇蛋糕口味同埋水果配搭，從蛋糕底到朱古力外殼，導師都會根據你既進度慢慢講解同提供輔助，遇到困難既時候亦可以隨時請求導師幫助。係呢個過程裏面，除咗可以學習到烘焙知識，同朋友或者伴侶嚟既話，仲可以創造一個難忘既回憶。

打發蛋白，製作海綿蛋糕底 🍰

煮溶白朱古力進行配色，製作朱古力球體外殼 🌎

自訂星球環內容，寫低你想講既說話，傳達俾收蛋糕既人知 💝

星球蛋糕款

事前可與導師溝通心水蛋糕圖案/公仔 (可能需要額外收費)

2. Miss Sweety Bakery 星球蛋糕班

呢個星球蛋糕班同上面嗰個大同小異，課堂會提供戚風蛋糕及星球環食譜，但係就限制左只可以製作雲呢拿雜果忌廉戚風蛋糕。同埋係上堂時間嗰方面，因為Miss Sweety Bakery有唔同類型既烘培班，所以佢地就定左某幾個時間比大家選擇，而星球蛋糕班主要一日得一堂。

3. 烘埋嚟星球蛋糕班

最後就係人氣IG網店@hugmesweeties 既星球蛋糕班，哩間小店將鏡面蛋糕技術應用左係朱古力外殼，令表面既紋理更加獨特。除此之外，蛋糕內既配搭亦十分出色，除左可以自由配搭心水飾物，導師亦會提供其他食材配搭。