放假好去處 | 成日放假都留係屋企煲劇睇Netflix覺得悶？不如出街參加唔同嘅手作體驗活動放鬆下！今次就同大家介紹三款香港近日熱門嘅手作體驗課程，無論係約埋朋友一齊，定同另一半去拍拖，都一樣咁合適！立即帶大家睇睇詳情！
放假好去處拍拖 放假好去處室內
1. Art Jamming
好多人都以為玩開藝術嘅人先可以參加Art Jam，其實啱啱相反！Art Jamming唔單止無需任何畫畫經驗，更係十分適合初次接觸藝術嘅朋友。Art Jamming 中文係自由繪畫，參加課程你無需準備任何材料，畫室會提供所有所需工具及顏料，係2-3小時嘅時間你可以盡情發揮創意，在畫板上塗鴉創作，畫出任何你鐘意嘅作品！
如果諗唔到畫咩，教室都會提供唔同畫作比你跟住畫！完成左嘅作唔仲可以帶返屋企記念！
【時間】約3小時
【地點】荔枝角
【費用】$250／位
2. 蠟燭工作坊
近日唔小人都因為疫情關系要WFH，多左好多時間係屋企，不坊可以考慮整返個香薰蠟燭放係屋企！香薰蠟燭嘅香氣除左可以令人放鬆，仲可以營造出舒適嘅氣氛，營造出不同的心情！
課程除左可以製作冰山蠟燭同擴香石底座，仲可以學到更多關於蠟燭的知識！
【時間】約3小時
【地點】觀塘
【費用】$580
3. 香水體驗班
有無諗過原來香水都可以自己親手調配！係Yues Studio係DIY香水體驗班，你可以親自挑選鐘意嘅成份及香味，製作一枝專屬於你嘅香水！工作坊嚴選高質素嘅原材料，來自包括英國、德國、法國等地，確保所有嘅香水都可安心使用！
就算對香水無認識都唔緊要，因為專業嘅調香師會全程在旁指導，教你調配你專屬嘅香水！調配左嘅香水送比人又得，自用又得！
【時間】約1小時
【地點】荔枝角
【費用】$320／位
