所有文章

【疫情好去處】疫情下5個香港人氣體驗活動！疫情期間去邊好？雖然戲院，球場等好多地方都關左，不過其實香港都仲有唔小活動可以去嘅，今次就為大家介紹5個疫情期間都可以去嘅香港體驗活動！無論係想搵疫情拍拖或者疫情室內好去處都可以係到搵到！

1.滴膠流體畫工作坊 Resin Art Workshop

首先為大家介紹嘅疫情好去處就係滴膠流體畫工作坊 ，唔好以為畫畫一定要好有藝術天份先可以參加，今次嘅流體畫工作坊就好適合一啲未玩過繪畫嘅朋友！你只需要調好顏料，控制好流動方向，就可以做出千變萬化嘅液體流動軌跡！就算手殘都可以整到靚到可以打卡嘅畫作！

價錢：$350

地點：荔枝角

2.直立板課程

疫情期間好多人都突然愛上行山，令行山路線仲多人過市區！如果想搵個小人嘅地方靜下，不坊考慮下直立板！專業嘅直立板教練會帶你由直立板採索唔同香港美景，係5個小時嘅體驗中遠離煩囂，好好放鬆一下！

而且相比其他水上活動，直立板更容易控制又不易翻船，就算係水上活動新手都可以放心參加！

價錢：$600

地點：西貢/馬鞍山

3.陶瓷體驗班

平時係香港可能都唔多機會接陶瓷，但玩過就知陶瓷有幾治癒！由搓泥，塑形，上釉到慢慢成形，親手感受陶瓷帶來嘅成功感。

疫情期間導師亦將課程嘅人數限制為最多4人，咁就玩得開心又放心啦！

價錢：$500-560

地點：長沙灣

4.霓虹燈工作坊

雖然近年漸漸式微，不過霓虹燈有濃濃嘅香港文化，宜家原來仲有工作坊親手製作一個帶返屋企！從設計到製作都由你一手包辦，無論係想製公仔款式送比人，定係製自己個名都一樣得，導師亦會全程在旁指導，咁就唔驚製得唔靚啦！

價錢：

$299 (單色輕便款)

$438 (雙色畫板款)

$478 (雙色亞加力款)

地點：觀塘

5.手作苔玉工作坊

最後一個疫情好去處推介就係手作苔玉工作坊！宜家疫情日日WFH，屋企冇咩擺設覺得冷冰冰？不如試手親手製作一個手作苔玉為屋企增加啲暖意啦！苔玉嘅好處係好容易打理，最適合就係生活忙碌嘅都市人！

工作坊十分輕鬆又好玩，除左可以親手帶走一個苔玉，導師仲會慢慢由苔玉嘅起源和簡介，到養護技巧都一一教曬比你知！好玩之餘仲可以學多嘅日本傳統苔玉手藝嘅知識，真係一舉兩得呀！

價錢：$680

地點：銅鑼灣