係現代化嘅社會,基本上大部分所需嘅物品都可以輕易買得到,但係手作嘅熱潮卻一點都不減,反而喺近年仲越嚟越受歡迎。

手作製品除咗可以體驗手作樂趣,而且相比起冷冰冰的工業製成品,更多一份手作溫暖,而且好多時候更可以將個人化嘅特色加係作品到。今次我哋就為大家搜羅咗三款香港人氣手作工作坊,等你都可以一嘗匠人嘗味!

 

1. 木雕手作工作坊

首先為大家介紹嘅手作工作坊就係木雕手作課程,木雕其實係木工嘅一種透過減法技巧,透過不同刀具,雕出唔同製成品。木雕係一樣已經有好耐歷史嘅手藝,以前喺台灣日本歐美等地亦十分盛行,隨處都可以見到木雕作品。

雖然近年因為越來越多的產品已改為機器製造,手作目標嘅產品已經買少見少,不過喺今次嘅手作木雕體驗課程,你可以重新接觸呢樣歷史悠久嘅手藝,木雕導師會由最基本的作品開始教起,讓你慢慢體驗木作的溫暖!

 

2. 情侶戒指手作工作坊

除咗木工,金工(金屬工藝)係近年越來越受歡迎,因為金工可以製作出唔同嘅成品,例如情侶戒指,情侶手鐲等,所以尤其受到情侶的歡迎。喺今次介紹嘅情侶戒指手作坊,參加者只需要簡單幾個小時,就可以輕鬆打造出你哋獨一無二嘅戒指,無論係送畀另一半定係重要嘅朋友都一樣咁有紀念價值!

係三個小時嘅課程中,專業嘅金工師傅會教你哋使用傳統工藝技法,一步一步的完成你哋嘅作品,就算係第一次接觸金工嘅朋友都可以放心參加。老師亦會全程從旁指導,如果有唔識嘅情況亦可以隨時請教,咁就唔驚作品整得唔靚啦!

 

3. 手工皂工作坊

最後介紹嘅就係手工皂工作坊,近日疫情嚴重相信,大家都少不免會用多咗梘液洗手,但係其實市面上唔少梘液雖然使用方便,但同時含有唔少化學物質,長期使用或會對肌膚造成負面影響,所以大家不妨考慮參加手工梘工作坊,使用天然嘅原材料親手製作出無添加嘅手工皂。

課程完成之後你仲可以帶走800g嘅手工梘添,大約十舊,都可以有排用啦。自己用之餘仲可以送畀有需要嘅親朋好友。手作工作坊導師仲會教識你唔同製作手工梘嘅技巧同竅門,有需要嘅話返到屋企再同屋企人或者朋友一齊整都可以!