所有文章

［幼稚園］家長必看！三個幼稚園老師一定不會告訴你的幼稚園面試技巧！

最近又到左幼稚園面試既季節，我地面試左2位分別有15同4年經驗既幼稚園老師，整理左三個面試技巧，就黎要帶小朋友面試既家長一定要留意！

1.家長與子女的互動

家長過分緊張，反而會扣分？有好多家長都對子女過分緊張，面試既時候，好中意幫子女回答老師既提問，甚至幫子女做曬所有野。其實咁樣，老師係見唔到小朋友既自理能力，反而會扣分添。家長只要係適當既時候，協助子女就可以。所以家長緊記唔好做左怪獸家長呀！

2.家長的準備

咁點先可以拎多啲分？面試前，家長記得要先做足功課，了解好學校既教學理念同用咩教學方法。係面試既時候，向老師表示欣賞學校的教學，咁就可以拎多啲分喇！

3.子女的社交互動

面試既時候，好多家長都會忽略左小朋友間既互動。其實社交技巧都係其中一個評核範疇，但往往好多家長都會擔心子女同其他幼兒互動時會岀現爭吵既情況，因此唔準子女同其他幼兒互動。其實，面試既時候，讓子女自由咁同其他幼兒一齊玩，反而有助拎高分。