【生日禮物】男仔必睇!嚴選5款人氣女朋友生日禮物

女朋友生日禮物實用 | 女朋友生日要送咩不嬲都係令唔少男仕諗到頭都大埋嘅問題,出面買禮物又驚唔夠心思,自己整嘅禮物又驚整得唔靚。咁不如考慮下參加一啲手作工作坊,親手打造一件又有心思又有紀念價值嘅禮物比女朋友啦!今次就為大家推薦5款人氣手作生日禮物!

 

1. 香水

唔少女仔都有出街之前噴香水嘅習慣,送香水都係一個唔錯嘅選擇!但係市面上咁多林林總總嘅選擇,好難搵到佢真正鍾意嘅味道,不如今個生日就親手製作一支獨一無二嘅香水畀佢啦!喺呢個香水工作坊,你可以從十多款不同嘅香水中(如香桃、橙花、梔子花、綠茶、雲尼拿等)調配出佢最鍾意嘅香味畀佢,作為一款專屬佢嘅女朋友生日禮物。

用最好嘅原材料先至可以整到最好嘅香水,店內所有嘅香水都係英國大廠直送,確保有最好嘅質素!

另外,工作坊最特別嘅係調配好香水之後,你仲可以揀一張你自己鍾意嘅相,導師會幫你用專業雷射打印機印出去,無論係好Sweet嘅合照定係對方嘅名字都可以!十分有意義!

如有需要,加$30仲有埋個好靚嘅盒!咁就唔洗要諗要點包裝啦!

課程詳情

 

2. 自製蛋糕

生日就梗係唔可以冇咗生日蛋糕啦。其實好多女仔朋友都好鍾意收到另一半親自整嘅生日蛋糕,但有時自己喺屋企整又會好「論盡」又整唔到想要嘅效果,咁就不坊就參加DIY蛋糕課程,係專業導師嘅指導下親手整一個又好食又靚嘅蛋糕喇!

如果想試下特別啲嘅蛋糕,可以試下星球蛋糕或棉花糖蛋糕。星球蛋糕賣相十分吸引生日用嚟影相打卡就啱曬啦,而棉花糖蛋糕嘅特別之處呢就係可以設計唔同嘅圖案/卡通人物送畀女朋友作為女朋友生日禮物!無論係winnie the Pooh定係Little Twin Star都一樣可以整出嚟!

課程詳情

3. 霓虹燈

 

如果想送一個比較特別啲嘅生日禮物,不妨考慮下送一個自製嘅霓虹燈畀佢!係霓虹燈工作坊,導師會教你親手製作出獨一無二嘅霓虹燈,無論係整佢最鍾意嘅卡通人物,定係親自另一半嘅名都一樣可以!製作嘅霓虹燈唔需要插電都可以用到帶出街,夜晚攞嚟影相打卡就最方便!

課程詳情

4. 永生花

冇女仔唔鍾意收花!所以其實送花係一個唔錯嘅女朋友生日禮物選擇。但係鮮花擺幾日就會枯萎,十分可惜,今次不妨試下新意思,整一個永生花送畀佢!永生花係用鮮花製造,經過特殊處理,一般無需打理都可以保存幾年嘅時間。

課程詳情

 

5. 情侶手鈪

最後一款介紹嘅女朋友生日禮物就係手作925純銀手鐲。唔少女仔出街都鍾意帶唔同嘅首飾打扮下,親手整一個手鐲送畀佢都係一個唔錯嘅選擇!喺情侶手鈪工作坊你可以由焊接到打磨都一手包辦仲可以親手出你哋嘅名字或者值得紀念嘅日子,十分有意義呀

課程詳情

 

今次就介紹住咁多先!其實送咩做女朋友生日禮物都好,最緊要就係有心思!咁收到嘅人就一定會好開心!