次次出街都離唔開睇戲食飯?不如搞搞新意思,試吓參加唔同香港嘅工作坊活動!其實除左皮革工作坊、玻璃工作坊呢啲大家比較熟悉嘅工作坊,香港仲有好多唔同嘅工作坊選擇!今次會為大家介紹其中5款。

 

 
唔少香港人都有出街前噴一香水嘅習慣,市面上雖然有好多選擇,但有時都好難搵到自己鐘意嘅香味,如果你都遇過呢個問題,咁DIY香水工作坊就一定啱曬你!
 
係工作坊你可以自由調配鐘意嘅味道 - 唔同嘅香氣,唔同嘅比例都會變出千變萬化嘅效果,做出一枝世上專屬於你自己嘅香水
 
 
除左整比自己自用,亦可以考慮將親手製作嘅香水當禮物送比重要嘅人,十分有意義!
 
 
 
2. 霓虹燈工作坊
 
如果有睇過以前嘅港產片,相信你一定會見過成條街都係霓虹燈嘅景象。雖然近年已經係香港慢慢式微,但係霓虹燈都係充滿着濃濃嘅香港文化
 
 
但你又知唔知原來自己都可以製作霓虹燈!係霓虹燈工作坊你可以發揮創意,創作出任何你鍾意嘅圖案或者名字,並將製成品帶返屋企!製作出嚟嘅霓虹燈更係唔需要插電,夜晚帶出街打卡都一樣咁靚!
 
霓虹燈課程嘅價錢亦比一般興趣班更加便宜,最平嘅單色款式$300有找,十分抵玩!
 
 
 
 
 
3. 金工工作坊
 
金工全名係金屬工藝,即係製作戒指、手鐲等嘅工作坊,所以呢個工作坊情侶就十分適合啦,可以親手為另一半製作甜蜜回憶!你地會從原材料開始,親自體驗鎚擊、敲字、焊接、打磨等工序,製作獨一無二嘅銀戒指/手鐲。完成嘅時候十分有成功感!
 
 
 
 
4. 陶瓷工作坊
 
陶瓷班相信大家都唔會陌生,係輕鬆有趣的陶瓷體驗班,你可親手捏製唔同嘅製成品!除左可以體驗陶藝的製作過程,你仲可以選擇製作同帶走唔十分多元化嘅作品,有好多唔同嘅作品可以選擇製作!例如清酒set, 陶瓷杯,陶瓷碟等等! 溫潤的特性,令陶瓷作品除左具實用性外,仲多一份暖意。
 
 
就算係第一次接觸陶瓷都唔洗擔心!因為陶瓷導師會全程從旁協助,確保你整到想要嘅作品。教課程亦已包所有所需材料,只需帶個人出席就可以!
 
 
 
5. 蠟燭工作坊
 
蠟燭課程十分治癒,除左可以學到各種蠟燭製作技巧,你仲可以調配出自己喜歡嘅香薰蠟燭,令房間散發喜愛的香氣,瞬間提升生活環境氣氛!係蠟燭工作坊,你可以親手由融蠟、選擇鐘意嘅精油,到冷卻成型都親自動手!製作出獨一無二嘅香薰蠟燭!不使用的時候當作裝飾亦十分治愈人心每個步驟都有導師親身指導,所以新手都可以放心參加!