而家越嚟越多人開始有跑街嘅習慣，一嚟係為身體健康，二嚟係為咗可以有段時間比自己暫時抽離一下呢個充滿壓力嘅地方。不過好多人係揀跑鞋嘅時候側重於設計而忽視咗跑鞋嘅功能性。
如何選擇跑鞋？
首先，選擇適合自己嘅鞋底設計款式。例如有啲人會唔鍾意氣墊鞋底，亦有人唔鍾意硬底。軟嘅鞋底的確可以增加避震，但絕對唔係越軟越好，過軟嘅鞋底會令用家難以平衡，而且腳落地時會因為無一個穩定嘅落點而容易扭傷。
第二，腳後踭嘅覆蓋感，可以貼實咁覆蓋後踭嘅話就可以確保跑步時對鞋可以緊貼腳掌，唔會咁易移位。尺碼方面，唔好因為自己著開某個尺碼就以為可以唔洗試，每次買新鞋都要親自試(最好著埋跑步著嘅襪)，選擇有約1至2個手指空位嘅尺碼，再穿著兩邊試吓行路時會唔會過鬆或過緊。
1. ASICS GEL-KAYANO 27
ASICS係日本運動產品牌子，所以設計上會更適合亞洲人。而呢款鞋嘅設計非常適合慢跑或者訓練用。
好處
1. 鞋頭上翹，令用家跑落更順暢
2. 防震能力高，雙層設計，配合後踭防震為主，令整體有彈性而有適合柔軟度
3. 整體覆蓋感高，加上彈性而柔軟嘅布料，大大增加舒適感
4. 鞋底外型及用料另抓地力提升
壞處
1. 價錢偏貴，新手未必選擇
2. 比一般跑鞋重而增加體力消耗
2. NIKE ZOOM PEGASUS 37
NIKE 係跑鞋界十分有名，唔少運動員都用呢個牌子，而ZOOM PEGASUS呢個系列已經出到第37代，仍然係對相對高性價比嘅跑鞋。
好處
1. 防震及彈性兼具
2. 後踭上翹設計令落地感覺更順暢
3. 鞋面網布用料配合鞋帶及內部設計係跑步過程可以另腳及鞋更緊貼，唔會走位
壞處
1. 為令腳同鞋更貼服，令整體設計較窄及緊，鬆鞋帶亦唔能夠令鞋內變鬆。腳掌較闊嘅人士著耐咗可能會唔舒服
2. 後踭設計未能完全貼服用家後腳，有機會令用家後腳有鬆脫嘅感覺
3. ADIDAS ADIZERO BOSTON 8
Adidas嘅鞋一向被定位為高水準嘅慢跑鞋，而且價位平均比其他品牌低小小，絕對適合新手入手，即使係跑步老手都會揀Adidas嘅鞋。
好處
1. 有足夠嘅覆蓋感，而且透氣度足夠，跑耐啲都唔會覺得太焗
2. BOOST底既可避震，而且柔軟得嚟唔會覺得落點唔穩定
3. 鞋底使用輪呔出產嘅耐磨橡膠，配合分佈性設計，令抓地力同靈活性大大增加
4. 鞋底亦有Adidas獨有嘅支撐片，可以令用家加速時嘅推蹬力提供回彈力
壞處
1. 低筒設計令用家感覺會鬆，但係其實有足夠鬆緊度，跑落唔會鬆
2. 鞋面織網雖然有韌性，但鞋尖唔乜彈性，而且穿著時可能會覺得窄，購買時最好著跑步用嘅襪嚟試清楚尺碼
