曲奇餅一直係香港高人氣嘅輕食，各個年齡層嘅人都十分鍾意。不過有時可能喺出面商店買到嘅曲奇餅係未必最啱心水嘅款式，而且價錢亦比較貴。其實曲奇餅係一樣喺屋企都可以整到嘅甜品，只要學識咗簡單嘅技巧就可以喺家中做出各款美味曲奇。
坊間亦有唔少烘焙教室提供曲奇工作坊，讓從未接觸過烘焙嘅朋友可以先從專業嘅導師細心指導下學好基礎，學識左技巧然後再返屋企自己整。
1. Dessert Party Baking Studio
係Dessert Party Baking Studio嘅人氣課程「卡通白之戀人課程」你可以選擇製作各種可愛嘅卡通造型白之戀人曲奇餅，無論係Winnie The Poon 定係角落生物都一樣可以整得到！白之戀人曲奇餅係由貓舌曲奇夾住中間既白色朱古力口感綿軟而且香氣馥郁，課程時間約三小時，價錢為$500。課程中，你除左學到各程製曲奇嘅竅門，導師亦會教你不同調色同埋唧花技巧，務求令你既成品睇得又食得！
課程無需任何經驗，新手也能輕鬆上手！ 快啲約埋朋友一齊親手製作超美味的白之戀人曲奇！
位於荔枝角既Cake Pops工作室提供好多款唔同款式嘅曲奇課程，例如係美少女戰士、Duffy造型等等，好食得黎亦可以用嚟打卡！
材料方面，Cake Pops嘅曲奇顏色亦都係用天然食材製作，例如綠茶粉、可可粉等，令你食得安全又放心 ，課程完成後每人約可以帶走16至20件曲奇 。 Cake Pops 平日晚上、以及星期六日都會開班，有興趣嘅朋友記得要提早預約啦。
Alice's Dream Kitchen於2015年創立，創辦人兼導師曾獲各大媒體如新城財經台、明報副刊追訪。Alice's Dream Kitchen推出多款唔同卡通造型嘅曲奇例如柴犬、Alice in Wonderland 等等。為咗因應客戶要求，教室亦推出多款低糖曲奇餅乾，等唔想食太甜嘅朋友亦可以食到佢地嘅曲奇餅。
Alice's Dream Kitchen嘅開放時間亦比一般教室長，由每日十二點到晚上十點，就算係平日要返工嘅上班一族放工之後都可以去參加。佢哋亦設有會員制，加入會員仲有不定時嘅優惠添！
