疫情期間相信大家都困咗喺屋企好耐，趁住夏天就嚟到，當然要玩下水上活動放鬆下！如果嫌泳池太多人驚危險，咁不妨考慮下刺激又好玩嘅滑浪體驗。
一講起滑浪可能好多人只係諗起外國嘅沙灘，其實喺香港唔少高質素嘅沙灘可以玩滑浪！不過如果未試過滑浪嘅朋友，亦都建議先參加一堂滑浪體驗班，學識咗基本技巧先，咁就易上手得多！今次就為你介紹香港三間熱門嘅滑浪課程。
第一間介紹嘅就係香城沖浪，佢地係香港其中一間最受歡迎嘅滑浪教室，唔少著名YouTuber同名人都搵過佢地上堂! 上過佢地課程後，都對充滿正能量嘅教練Yatman讚不絕口! 學生更表示滑到嘅時候呀sir會仲興奮過你！除左專業又清晰的指導，教練仲會全程在旁，(滑得好唔好都)不斷鼓勵你! 令唔少初學者第一次玩已經可以輕鬆上手。
佢哋有提供係大嶼山下長沙嘅2到4人小組($600/人)(課程詳情)或私人1對1($900/人)(課程詳情)課程，體驗時間係90分鐘。課程提供時間：
每日可提供時段
- 11:00am
- 1:00pm
- 2:30pm
- 4:00pm
除此之外，佢哋嘅YouTube page總有超過十萬點擊率，亦都會定期提供一啲滑浪嘅資訊同短片，有興趣嘅朋友記得千祈唔好錯過啦！
上完堂仲未玩夠？唔洗擔心！因為佢地亦有提供滑浪板租用，每小時港幣$60，比出面唔少租板地方都比左唔少!
第二間為大家介紹嘅就係非常出名嘅 Hong Kong Surfing Lesson，於2015年成立，佢地嘅主教練係國際沖浪協會認可滑浪及衝浪教練，擁有超過八年經驗，亦教過無數學生。
佢哋嘅Google Review超過100個評價，都獲得滿分嘅五星好評，就知道佢哋嘅服務有幾好。
佢哋主要會喺兩個地點上堂，第一就係石澳嘅大浪灣，第二就係大嶼山下長沙。佢哋有分小組教學($550/一人)或者私人一對一($1000/一人)及一對二教學($700/一人)，課程費用亦已經包曬所有滑浪板同埋防曬衣借用，而且上完堂之後，仲可以租借滑浪板可以玩足全日添。
參加者只需要年滿六歲及身體狀況良好即可以參加 ，無論係初次接觸定係已經有一定滑浪經驗嘅參加者都可以參加。佢哋分別有初級、中級、同埋改進課程，初級課程就非常適合從未接觸過滑浪嘅朋友，會學到最基本嘅技巧，完成咗初級課程通常大多數人都已經可以學識企滑浪板上乘風破浪！
第三間就係藍天體育館，佢哋喺2001年由一班專業嘅體育界人士創立 ，提供多種唔同嘅水上活動畀市民參加，例如龍舟、獨木舟、直立板及滑浪等，過去十年更加已經服務超過十萬位市民。
佢哋嘅課程亦以細心照顧同埋安全為重點 ，喺正式開始喺水中學滑浪之前，教練先會喺沙灘到同同學練習各種基本動作，打好基礎。喺課程中，你會學到唔同嘅技巧例如平衡姿勢、轉向方法、推越、滾越等等。
滑浪課程會係水清沙幼嘅大浪西灣進行，等參加者除左享受衝浪時光外，亦可以享受呢個寧靜舒適嘅自然環境。
