疫情期間不少人多咗好多時間喺屋企,同朋友屋企人一齊烘焙都係一個唔錯嘅活動!但係有時上網睇食譜或者跟住YouTube video都好難整得好,咁不如試下先參加唔同嘅烘焙課程跟老師學好基本技巧,之後返屋企再整都容易好多啦!今次就為大家介紹五間五款香港嘅人氣烘焙課程推薦,從鳳梨酥到蛋糕都有,有興趣嘅朋友就睇埋落去啦!

 

1. 梨酥班

首先介紹嘅就係鳳梨酥班,雖然因為疫情關係暫時冇得去台灣,不過原來香港都一樣可以學識製作好好食嘅鳳梨酥 ,仲要有埋卡通造型,睇得又食得!

喺三個半鐘嘅烘焙課程裏面你哋會學識各種製作鳳梨酥嘅技巧,例如製作少甜梨酥餡、外皮製作方法等等。學成咗之後自己喺屋企同屋企人或者朋友一齊再整都可以。課程中每位學生都可以挑選兩種不同款式卡通人物。

 

 

2. 卡通芝士撻班

第二種介紹嘅烘焙課程香港就係十分可愛趣緻嘅卡通芝士撻。喺三小時嘅烘焙班中每個人最後都可以製作出六個卡通芝士撻,仲可以揀兩款唔同嘅卡通人物添!課程兩個人就可以開私人班,時間日子亦都係可以自由挑選,十分彈性。課程中可以學到芝士撻撻皮製作方法以及卡通圖案製作方法等等

 

 

3. 鳥結糖班

鳥結糖係傳統嘅小食,已經有好耐嘅歷史。但係近年都開始慢慢式微,如果鍾意食鳥結糖嘅朋友,不妨考慮參加今次嘅鳥結糖班,喺兩小時嘅課程中您可以輕鬆製作出16至20條鳥結糖,仲有多款唔同口味挑選添!除咗較常見嘅朱古力、咖啡、原味等等,仲有市面上十分少見嘅黑芝麻、伯爵茶、抹茶揀添,有興趣嘅朋友快啲約埋朋友一齊參加啦。

 

 

4. 朱古力班

相信朱古力係唔少人最鍾意食嘅甜品,喺朱古力嘅課程中,你哋可以親手由可可豆製作出美味嘅朱古力,課程更係由曾經獲國際朱古力大獎(International Chocolate Awards) 金獎得主嘅導師Whitney親自執教,確保你哋可以親手做出的好食嘅朱古力!課程完成亦會贈送靚靚包裝,所以無論送禮或者自用都可以。

 

 

5. 蛋糕班

最後一個烘焙課程推薦就係蛋糕班。外型精緻嘅日式甜品卷蛋亦係近年大熱嘅甜品,口感輕盈而且入口即溶嘅感覺,令唔少人一食就上癮,今次嘅卷蛋烘焙課程約三小時,課程內容豐富,包括確保各種配料調理方法卷蛋及裝飾技巧等等,亦有四款唔同味道可以自由挑選。完成咗之後每位學生都可以帶走一條17吋長卷蛋。