疫情期間好多平時會去玩嘅設施例如戲院球場等等都關咗門，但相信日日要小朋友留喺屋企佢哋都會覺得悶，咁為家長不妨參考下香港唔同嘅親子工作坊，好多工作坊係疫情之下都會有開放，而且防疫功夫亦會做足，例如將每班人數減至最多4人嘅小班教學，甚至私人教授。以及在出入教室都需要以消毒液清潔雙手等等措施，咁就確保各位玩得開心又放心啦！
今次就為大家搜羅咗五個人氣香港疫情親子活動，有興趣嘅朋友都可以參考下
1. 親子手工皂工作坊
首先為大家介紹嘅疫情親子好去處就係手工皂工作坊，疫情期間相信大家嘅洗手次數都要大增，每逢出街過後就立即要洗手，但係其實市面上唔少梘液都含有有害化學物質，用得多除咗對皮膚唔好，長期使用更會對皮膚造成傷害，特別係小朋友幼嫩嘅肌膚。而天然嘅手工皂就冇呢個問題，而且含有天然成分對皮膚更加呵護作用。
係手工梘工作坊你哋就可以親自製作屬於自己嘅手工梘，冷製手工梘工作坊全程都無需用到任何危險嘅工具，例如電磁爐加熱等等，所以十分安全，可以放心帶埋小朋友一齊參加。喺今次嘅課程，你哋可以帶走600g成品，一共約八件手工梘，一家大細一齊用都冇問題，手工梘中亦會加入100%純天然精油，令手工梘散發微微幽香，課程完成嘅時候亦會富有文青包裝等你哋方便將成品帶走。
2. 棉花糖蛋糕工作坊
之後介紹嘅疫情親子好去處就係親子蛋糕工作坊。整蛋糕一向都係一個受歡迎嘅親子活動，除咗可以做出唔同造型及味道嘅蛋糕，仲可以係烘焙當中培養親子感情。喺今次嘅課程你地更會做出一個十分可愛卡通造型嘅蛋糕，小朋友可以自由選擇鍾意嘅卡通人物來製作，無論係角落生物，Winnie the Pooh，Elsa都一樣可以整到！得意嘅造型令小朋友十分開心。
而且整個製作過程都由家長及小朋友一齊進行，製作完成之後更係十分有成功感。除咗好食之外蛋糕以及蛋糕餡料更有多款唔同味道選擇，好睇又好食！
3. 水耕種植體驗工作坊
第三個疫情親子好去處就係水耕種植體驗工作坊，你地可以帶埋小朋友一齊學到各種水耕種植嘅知識，仲可以親身參觀室內及室外嘅水耕種植場，親身體會水耕種植嘅樂趣。而且課程中家長同學生更可以一齊用新鮮素材，製作新鮮香草醬帶返屋企，下次留喺屋企煮嘢食嘅時候又可以多一款調味選擇。
課程亦十分抵玩，每人只需$150，而且佢哋實行小班教學制，最多只有每班四人確保導師可以照顧每位學生嘅需要。課程嘅開放時間為星期一至五兩點後，星期六日一點後。
4. 親子紮染班
紮染係一項歷史悠久嘅工藝，不過平日生活喺香港嘅我哋可能好少機會可以接觸，今次嘅課程就可以畀你同小朋友一齊體驗呢項傳統工藝嘅樂趣，除咗可以學到紮染技基本技巧及知識，更可以俾小朋友發揮創意，造出自己鍾意獨一無二嘅設計及圖案課程。完成之後，你哋更可以帶走屬於自己嘅作品，十分有成功感。
材料方面，教室嚴選咗優質嘅德國染料確保大家做出嚟嘅成品都可以用得放心。可選擇嘅製成品包括t恤+方巾 或 圍裙+方巾 或 魚夫帽+ 方巾。課程亦由有豐富紮染經驗嘅導師親自執教，就算冇任何紮染經驗都可以放心參加。
5. 親子陶瓷班
最後推介嘅疫情親子好去處就係就子陶瓷班。陶瓷係一項十分治癒嘅活動，喺課程中可以俾小朋友喺平時忙碌嘅學業生活之中得到休息，而且亦可以陶冶性情，令小朋友培養耐性等等嘅好習慣。而且完成咗之後更可以做出各種嘅可愛造型製成品，亦十分實用 ，仲有多款唔同嘅作品可以自由挑選，等小朋友可以揀佢自己最想要嘅作品製作。過程中你亦可以透過同小朋友一齊做陶的時間來增進彼此之間的關係。教室嚟地鐵站只有約數分鐘路程亦有多條巴士線可到達，位置十分方便
