疫情期間成日留係屋企好無聊?想搵個地方放鬆心情?素描係一個好選擇,唔需要顧慮色彩既運用,而係注重線條刻畫。素描唔單止可以發揮你既小宇宙,仲可以靜下心來放鬆心情。就等小編為大家嚴選香港3間最高質既素描班!無論係作為素描高手既你,定係零經驗既新手,都可以享受到最高質、最適合自己既素描體驗!

1. Twilight Art Studio 微光畫室

首先為大家介紹既係位於荔枝角既Twilight Art Studio,Studio距離地鐵站只有大約3分鐘路程,非常方便。而且係7月既時候全新裝修,環境十分舒適,仲好有藝術氣氛,令大家擁有一個遠離煩囂既創造空間!疫情期間提供足夠既空間、酒精搓手液、消毒地毯同埋鞋架,令學生可以安心創作。

導師經驗豐富,大獲學生好評。而且導師精通各種繪畫、藝術創作技巧。即使係素描新手,都唔洗擔心!導師堅持小班教學及面對面課程,務求係現場給予學生最貼心既指導,以跟進每位學生既進度。導師更安排好適合唔同程度、唔同年紀課程。

近期素描課程人氣高企,雖然素描唔需要考慮顏色既運用,但係就要透過顏色深淺既運用同刻畫。從而營造出立體感同真實感,令作品睇落更添一種獨特風味。

素描更係各種藝術製造既基本功同基礎。透過係Twilight Art Studio既素描課程,唔單止可以增加你既洞察力,更可以令你掌握好素描技巧。為左可以更好地照顧每位學生嘅需要,課程亦使用小班教學制,咁就算係初次參加都唔驚跟唔上進度啦!

 

2. Cozy Artness Studio

導師Annabelle畢業於浸會大學嘅視覺藝術系,已有十多年繪畫經驗,作品更曾於多個畫展展出。

佢地嘅人氣課堂包括單堂嘅素描體驗堂,有別於一般素描課程都綁死左4堂4堂咁上,呢個單堂體驗課程,係專門設計比未接觸過素描嘅朋友,可以係體驗中認識到呢項美術嘅基礎!又無需一次過Commit 四堂,可以先試下適唔適合自己先!

課程費用為$380/2小時,係課程中你會學到各種素描最基本同實用嘅知識及小技巧,體驗完左後你可以親自利用學到嘅技巧應付各種嘅繪畫。

而且為左可以有更多時間指導每位學生,更貼心地將課程人數限制為2人,學生亦唔洗驚尷尬而有問題都唔問啦!Annabelle亦會因應唔同學生既情況同程度,調節教學進度,度身為學生設計課程,務求令學生學到素描技巧既重點!因為課程推出後十分受歡迎,如果有興趣嘅朋友記得要提早預約先有機會book到啦!

 

3. 手繪畫室

最後介紹既係手繪畫室,畫室係葵興、大埔同太子設置教學。從導師Wilie既作品可見,導師精通人像既繪畫同人物線條刻。

手繪畫室提供唔同種類既素描課程,方便大家按照自己既程度同興趣選擇!素描畫班分類至成人、中學、小學等等。如果大家想留係屋企,又可以學習到素描既技巧,咁畫室提供既手繪網上課程就適合你喇!其中包括45分鐘既基礎素描及眼睛素描課程。只要準備好電子設備同埋素描既材料,就可以去安心在家上課,都不失為一個好選擇!

面授素描班費用為$1380-1500(1.5 小時 x 6堂 = 9小時);$1980-2160(1.5 小時 x 9堂 = 13.5 小時),網上課程費用為$210,材料自備。