角落生物係近年大熱嘅卡通人物，憑着唔同角色的可愛樣子，深受大朋友小朋友歡迎，只要見到角落生物可愛的樣貌就會感覺十分治癒！如果你都有興趣將更可愛嘅角落生物畫出嚟放係日歷、生日卡、便條紙等地方，不妨可以參加以下嘅角落生物畫畫班！除咗可以自己帶走一幅好靚嘅角落生物作品，仲可以學識各個人物嘅唔同畫法添。
1. Bell.Studio
第一間為大家介紹嘅就係Bell.Studio嘅角落生物畫畫課程，Bell.Studio位於觀塘，係香港首間簡筆畫專門店，佢哋嘅角落生物課程推出左之後大獲好評，唔少小朋友大朋友報名參加。 除咗比小朋友及角落生物的粉絲學畫角落生物，亦有唔少教師和家長參加，希望可以學識嚟到教小朋友。
課程費用為$350/兩小時，喺課程入邊你會親手完成一幅角落生物嘅圖畫，而且每款角落生物嘅人物都有詳盡教學。參加課程無需任何經驗，就算係從來冇畫過畫或者係中學美術堂之後就再冇拎起過畫筆嘅朋友都可以放心參加，課程亦限制每班最多四人，確保教學質素，令每位同學有任何疑問可以隨時發問。
2. Draw with La La !
之後為大家介紹嘅就係網上畫畫教室Draw with La La！佢哋係YouTube非常熱門嘅畫畫Channel，已有超過三萬個Subscripter。佢地有教唔同卡通人物教學，其中就包括左六集係專門教角落生物，課程會以鉛筆素描及木顏色來進行，非常簡單，手殘都畫到！課程推出左之後十分受歡迎，獲得左超過100,000點擊率，於網上瘋傳。每一堂嘅影片大約5至10分鐘，有興趣嘅朋友就唔好錯過啦佢哋嘅頻道喇。
